Dedh Dogens hag Onan

De Merher, degves mis Whevrel

Wednesday, 10th February

Lôwen o vy hedhyw. My a wrüg mos mes, maylys en lies gwiscas a dhilhas warbedn an gwens yeyn. Ma whath yey en neb teleryow, bes blou o an mor ha thera losyow on war golwedhen e'n ke. Thera cloud a vleujednow ergh e'n gorlan. Thera radn anodhans ow scòllya dreus an ke bys e'n pras. En lowarth, my a welas "plüv ergh gwenton", flourys gwydn pecar'a bleujednow ergh, bes hirra aga garednow. Ha, tre arta, e veu ro reb an daras. Ow mergh wydn a dhanvonas dhebm lever rag ow fedn bloodh, lever gans ow howethes Angie. My a wra mos dhe'n gwily a-dermyn e'n nos haneth.   

I am happy today. I did go out, swaddled in many layers of clothes against the cold wind. There is still ice in some places, but the sea was blue and there were catkins on a hazel tree in the hedge. There was a cloud of white snowdrops in the churchyard. Some were spilling across the hedge into the field. In a garden, I saw "spring snowflakes", white flowers like snowdrops, but with longer stalks. And, home again, there was a present by the door. My granddaughter sent me a book for my birthday, a book by my friend Angie. I shall go to bed early tonight!

Deg ger rag hedhyw: Ten words for today

bleujednow ergh snowdrops

colwedhen (f) hazel tree

corlan (f) churchyard

dilhas clothes

garednow stalks, stems < garen (f)

gwiscas (m) layer, covering

losyow on hazel catkins < lôst on (m) "lamb's tail"

maylys swaddled, wrapped

scòllya to spill, pour

warbedn ~ bedn ~ bydn against