Dedh Terdhek ha Dewgens


 De Lün, nessa warn ügens mis Whevrel

Monday, 22nd February


 








Thera an pras ow terlentry avel arhans en howlsplan an mettin. O hedna rew war an gwels po o va gleb gen glouth? Nag era gwens - ev a wrüg slackya e'n nos. My a glowas owrdynk a-dhelher dhebm ha treylya adro, saw re syger dhe gawas foto. Pe le ma va? Calish ew dhe weles an edhyn bian e'n gwedh, keth ens whath noth. Gwens crev a dreylyas an widdersians reb an bargen tir. Na wra va gwaya arta terebo dos gwens aral. Ma müsürell wens war an turbin gwens. Ma radn ow treylya adro, saw nag eus gwens lowr dhe movya an turbin y honan. Lôwen ew an tiogow. Anjei ell trehy an cawlvleujyow heb bos gleb. Otta tractor ha draylyer ow mos dhe'n marhas en neb le.


The meadow was sparkling line silver in the morning sunshine. Was that frost on the grass or was it dewy? There wasn't any wind - it had died down in the night. I heard a goldfinch behind me and turned around, but too slow to get a photo. Where is it It's hard to see the little birds in the trees, even though they are still bare. A strong wind turned the weathervane by the farm. It will not move again until another wind comes. There's an anemometer on the wind turbine. Part is turning round, but there's not enough wind to move the turbine itself. The farmers are happy. They can cut their cauliflowers without being wet. Here's a tractor and trailer going to market somewhere.


 

Deg ger rag hedhyw: Ten words for today

a-dhelher behind (SWFM a-dhelergh)

arhans (m) silver you can also use argan (m)

cawlvleujyow cauliflowers

draylyer (m) trailer you can also use kert (m)

gleb gen glouth dewy

müsürell wens ~ wyns (f) anemometer, wind gauge

owrdynk (m) goldfinch

slackya (of wind) to die down, decrease

terlentry to sparkle, shine

widdersians (m) weather vane

 



 




Comments

Post a Comment

Popular posts from this blog

2022 Dedh Pajar

Image
De Meurth, pajwora mis Genver Tuesday, 4th January   Nag eus finweth dhe dhrog chons, car dre hevel. O vy moredhek? Ma meschonsyow ow tos en bagasow tredden, bes e veu dhebm moy es trei droglam solabres. Pandr'ew an caletter hedhyw? Agan mergh ew clav ha na ell hei cuntel hy flehes. Res ew dhebm aga didhana. Nei a warias an creger liesgweyth, ha chess ha cartednow. Pandr'ew da gen flehes clav dhe dhebry? Martesen nebes grappys. Saw na veu hedna tybyans pur dha.  Üdnek ar glogh, an maw bian a whejas arta. Ma hedna ow menya moy liednow ha dilhas rag an jynn-gòlhy avorow. There is no limit to bad luck, so it seems. Am I pessimistic? Mishaps come in threes, but I have had more than three disasters already. What is the problem today? Our daughter is ill and she can't collect her children. I must entertain them. We played hangman many times, and chess and cards. What do sick children like to eat? Perhaps a few grapes. But that was not a very good idea. Eleven o'clock, the lit...
Read more

At Home With Cornish

Don't forget, you can do some revision with the new blog I am doing for youngsters: At Home With Cornish https://kernowekenchei.blogspot.com/ And if you want something longer to read, try Te ha Tesednow by Neil Kennedy. https://nebesgeryow.blogspot.com/ And if you want to listen to well-spoken Cornish, try Daniel Prohaska's audio course https://kernowekbew.com/
Read more

2022 Dedh Pemp

De Merher, pempes mis Genver Wednesday, 5th January   Ma lavar coth en trajedy Grek âwncyent. A' re an dhuyow a venja destria, e'n dallath anjei a's kemeres compòster bres dhorans. A wra vy kelly an compòster bres vy en scon? Pandr'ew nessa? An kensa maw a whejas arta hanter our ken hanter nos, ha'n nessa maw a whejas dewdhek our moy diwedhes. Meur a wòlhy. An jynn-gòlhy a lavüryas heb hedhy lies our. There's a proverb in ancient Greek tragedy. Those whom the gods would destroy, they first make mad (deprive them of sanity). Will I lose my right mind soon? What is next? The first boy was sick again half an hour before midnight, and the second boy was sick twelve hours later. Lots of washing. The washing machine worked non-stop for many hours. Deg ger rag hedhyw Ten words for today an re ~ a' re those âwncyent ~ ancyent ancient compòster bres (m) sanity, right mind destria to destroy dhorans from them < dhort (SWFM dhiworth ) duwyow ...
Read more