Dedh Cans ha Pajar

De Merher, pajardegves mis Ebrel

Wednesday, 14th April

Terweythyow ma dedh da ha terweythyow ma dedh drog. Terweythyow thew an jedh kemyskys, radn da ha radn drog. Hedhyw o dedh da rag an gath ma, kellys üdn gar. Hei a wrüg còsca e'n spladnder an howl. "Gwydn ow bes!" Nag o an jedh mar dha rag an genisen drûan ma. Nag ew da genjy an howl. My a's disesyas e'n crow predn. Berryk o hei, rond ha sijanüs pecar'a grappa, dhort debry gowdhanes dilhas e'n tewlder. Eus eth gar dhedhy? Jorna spladn o rag an maw bian. Thera selyow tellys dh'y votas stanch, etho ma bombadys rüdh nowydh dhodho. An bombadys nowydh ew brâssa ewedh, drefen bos an flogh tevys brâssa. Era dedh da dhebm? My a wrüg batalyas ort an crow predn!

Sometimes there is a good day and sometimes there is a bad day. Sometimes the day is mixed, part good and part bad. Today was a good day for this cat with one leg missing. She slept in the sunshine. "What bliss!" The day wasn't so good for this unhappy spider. She doesn't like the sun. I disturbed her in the cabin. She was plump, round and glossy like a grape, from eating clothes moths in the dark. Does she have eight legs? It was a splendid day for the little boy. His old rubber boots had holey heels, so he has new red wellies. The new wellies are bigger as well, because the child has grown bigger. Did I have a good day? I did battle with the cabin!

Deg ger rag hedhyw: Ten words for today

berryk plump

bombadys wellies

crow predn (m) cabin, wooden shed, chalet

disesya to disturb, put out

gowdhanes dilhas clothes moths

grappa (m) grape

gwydn ow bes what bliss, my world is fair

selyow heels of shoes < sel (m)

sijanüs glossy, silky

tellys holed, holey

tewlder (m) darkness, dark