Dedh Cans Üdnek warn Ügens

De Meurth, üdnegves mis Me

Tuesday,11th May

Ma lies ymach a Vetêrnes Victoria qwethys en dilhas dû. Hy gour caradow a verwas en Mis Kevardhû mil eth cans trei ügens hag onan. Dres remenat hy bownans, dewgens bledhen, terebo hy mernans hy honan en mil naw cans hag onan, qwethys o hei en galarwisk leun. Na wrüg hei besca (besketh) don liwyow arta, a-dar afînans gwydn po purpur pur vian (hanter galarwisk). Nag o hy jowals bes perlys ha men dû. (Ma perlys ow sevel vel arwòdh a dhagrednow.) Rag pemp bledhen na wrüg hei "egery" an Senedh. Creiys o hei "Gwedhwes Windsor". Agan Metêrnes Elisabeth ew gwedhwes ewedh. Hy gour a verwas a-gensow, bes ma dhedhy sens brâs a dhever. Hedhyw a veu Egeryans Stât an Senedh. Qwethys veu hei en hanter-galarwisk; côta ha hott liw lilak ha perlys. Na wrüg an Vetêrnes degy curün - re boos ew an gurün ha benyn vian ew hei.

There are many images of Queen Victoria clad in black garments. Her beloved husband died in December 1861. For the remainder of her life, forty years, until her own death in 1901, she wore full mourning. She never wore colours again, apart from a very small white or purple trim (half mourning). Her jewels were just pearls and jet. (Pearls symbolise teardrops.) For five years she did not "open" Parliament. She was called the "Widow of Windsor". Our Queen Elizabeth is a widow as well. Her husband died recently, but she has a great sense of duty. Today was the State Opening of Parliament. She wore half-mourning; a lilac coat and hat and pearls. The Queen didn't wear a crown - the crown is too heavy and she is a small woman.

Deg ger rag hedhyw: Ten words for today­

a-der apart from

afînans (m) adornment, decoration, trim

curün (f) crown

dagrednow teardrops < dagren (f) > dagrow (collective)

dilhas clothes, garments > dilhajas (m)

don galarwisk to be in mourning, wear mourning clothes

egeryans (m) opening

gwedhwes (f) widow

remenat (m) remainder, rest

Senedh (m) Parliament