Dedh Dew Cans Dewdhek warn Ügens

De Gwener, ügensves mis Est

Friday,20th August

Ma natûr ow cara lies tra dhe godha oll an termyn. Leun ew an gwedh a lavalow, saw ma lies aval war an gwels. Ma môy anodhans wòja glaw po gwens. Scodhyes ew natûr gen gwyweres gwag. Fatel era vy ow convedhes hedna? Drefen my a welas gwywer ow pònya dres an branchys gen aval melyn et y anow, ha drefen my ell gweles olow dens derag war nebes avalow codhys. An avalow browys ha shyndys ew da gen qwilkioresow. An avalow rüdh ew gwell gans an edhyn. Ma olow piga war anjei. Heb perthyans ew an gwyweres - na vedn anjei còrtos rag an know col dhe dreylya arves. An gwedh a dal bos leun a gnow, bes an brâssa radn anodhans ew war an dor solabres, bohes arves ha knithyes.

Nature is dropping many things all the time. The trees are full of apples, but there are many apples on the grass. There are more of them after rain or wind. Nature is assisted by hungry squirrels. How do I know that? Because I saw a squirrel running through the branches with a yellow apple in its mouth, and because I can see the marks of incisor teeth on some fallen apples. Wasps like the bruised, damaged apples. The birds prefer the red apples. They have peck marks on them. The squirrels are impatient - they won't wait for the hazel nuts to ripen. The trees should be full of nuts, but most of them are already on the ground, unripe and nibbled.

Deg ger rag hedhyw Ten words for today

bohes arves unripe

codhys fallen

dens derag incisor (front) teeth < dans (m)

ganow (m) mouth

gara dhe godha to drop, let fall

gwyweres squirrels < gwywer (m)

heb perthyans impatient

olow marks, prints, traces, etc. < ol (m)

qwilkioresow wasps < qwilkiores (f)

scodhyes assisted, helped, supported

treylya arves to ripen, mature, turn ripe