Dedh Dew Cans Pajar warn Ügens

De Yow, dewdhegves mis Est

Thursday,12th August

Whath ma flourys teg en lowarthow. Flourys an whynas kebmyn ell bos teg ewedh. An hirgorn gwydn ma ew war wegas ke. Flehes a lavar "Tas wydn, tas wydn, tardh mes a wily!" Nena anjei a wrydn an gòles glas ha'n flour a dardh mes. Còsel o an mettin ha my ow mos e'n vorr. My a welas diw heckamola. Era anjei ow whilas greun po preves po has dadn an reden ow cregy? Nag ew an edhen golvan to; martesen thewa golvan ge.  E veu caletter dhebm ow medra ta ow hamera. Moy es ew kemeres fôtôs a edhyn brâs (terweythyow)!

There are still lovely flowers in gardens. Flowers of the common weeds can be pretty, too. This white trumpet is on hedge bindweed. Children say "Grandfather, grandfather, pop out of bed!" Then they squeeze the green base and the flower pops out. The morning was quiet as I was going along the road. I saw two dickybirds. Were they looking for grit or insects or seeds under the hanging bracken? The bird isn't a house sparrow; perhaps it's a hedge sparrow. I had difficulty focussing my camera. It's easier taking photos of big birds (sometimes)!

Deg ger rag hedhyw Ten words for today

gòles (m) base, bottom

golvan (m) sparrow

greun (collective) gravel, grit > greunen (f) grain of gravel

gwegas ke (plural) hedge bindweed

gwrydnya to squeeze, wring > a wrydn (simple present-future)

heckamola (f) dickybird

hirgorn (m) trumpet, long horn

madra ~ medra ta to focus, aim

tardh! (imperative) burst, explode, pop < (verb) tardha

whynas (plural) weeds