Dedh Trei Hans Eth warn Ügens



De Merher, pajwora warn ügens mis Dû

Wednesday, 24th November


















Mall ew gen lies flogh cawas calander Adhwen rag mis Kevardhû. Bes pandr'ew Adhwen? En eglosyow e'n west ma va ow tallath war an pajwora (peswara) Sül ken Nadelik. Henn'ew an Sül nessa dhe Dhegol Sen Androw (degves warn ügens mis Dû). Ma Calander Adhwen ow tallath, pup pres, kensa mis Kevardhû.   En Eglosyow Owngryjyk ha Catholyk a'n Est, thew Adhwen termyn a sconyans ha penans, dogens dedh ken Du Nadelik. Thewa henwys "Sconyans an Nadelik". Ma'n gryjygyon ow sevel ort debry kig, pesk, ascor lethek, oyow, oyl ha gwin, tredh terry an jedh ha tolalolla. Mons ow pedery adro dhe'n devedhyans Jesus Crist, Mab Duw, e'n kig (ha'n Second Devedhyans). Vas ew rag corf ha sperys. Ges ew calander Adhwen mars eus choclat po gwin etto - nag ew hedna sconyans! Hag ascor tecter?   


















Lots of children look forward to getting an Advent calendar for December. But what is Advent? In western churches it begins on the fourth Sunday before Christmas. That is the Sunday closest to St Andrew's Day (30th November). An Advent calendar always starts on 1st December. In Eastern Orthodox and Catholic Churches, Avent is a time of abstinence and penance, forty days before Christmas Day. It is called the Nativity Fast. The believers go without meat, fish, dairy produce, eggs, oil and wine, between dawn and dusk. They are thinking about the coming of Jesus Christ, the Son of God, in the flesh (and the Second Coming). It is good for body and spirit. An Advent calendar is a mockery of this if it contains chocolate or wine - that's not abstinence! And beauty products?


















Deg ger rag hedhyw Ten words for today

Adhwen Advent

a'n est eastern

bos mall gen to look forward to, to be keen to

cryjygyon believers < cryjyk ~ cryssyk (m)

Du Nadelik Christmas Day (Du is used for special days)

eglosyow churches < eglos (f)

owngryjyk ~ owngrysyk orthodox

penas ~ penans (m) penance

sconyans (m) abstinence, a fast  

sevel ort to go without, forgo

terry an jedh (m) dawn

tolalolla (m) dusk






 

Comments

Post a Comment

Popular posts from this blog

2022 Dedh Pajar

Image
De Meurth, pajwora mis Genver Tuesday, 4th January   Nag eus finweth dhe dhrog chons, car dre hevel. O vy moredhek? Ma meschonsyow ow tos en bagasow tredden, bes e veu dhebm moy es trei droglam solabres. Pandr'ew an caletter hedhyw? Agan mergh ew clav ha na ell hei cuntel hy flehes. Res ew dhebm aga didhana. Nei a warias an creger liesgweyth, ha chess ha cartednow. Pandr'ew da gen flehes clav dhe dhebry? Martesen nebes grappys. Saw na veu hedna tybyans pur dha.  Üdnek ar glogh, an maw bian a whejas arta. Ma hedna ow menya moy liednow ha dilhas rag an jynn-gòlhy avorow. There is no limit to bad luck, so it seems. Am I pessimistic? Mishaps come in threes, but I have had more than three disasters already. What is the problem today? Our daughter is ill and she can't collect her children. I must entertain them. We played hangman many times, and chess and cards. What do sick children like to eat? Perhaps a few grapes. But that was not a very good idea. Eleven o'clock, the lit...
Read more

At Home With Cornish

Don't forget, you can do some revision with the new blog I am doing for youngsters: At Home With Cornish https://kernowekenchei.blogspot.com/ And if you want something longer to read, try Te ha Tesednow by Neil Kennedy. https://nebesgeryow.blogspot.com/ And if you want to listen to well-spoken Cornish, try Daniel Prohaska's audio course https://kernowekbew.com/
Read more

2022 Dedh Pemp

De Merher, pempes mis Genver Wednesday, 5th January   Ma lavar coth en trajedy Grek âwncyent. A' re an dhuyow a venja destria, e'n dallath anjei a's kemeres compòster bres dhorans. A wra vy kelly an compòster bres vy en scon? Pandr'ew nessa? An kensa maw a whejas arta hanter our ken hanter nos, ha'n nessa maw a whejas dewdhek our moy diwedhes. Meur a wòlhy. An jynn-gòlhy a lavüryas heb hedhy lies our. There's a proverb in ancient Greek tragedy. Those whom the gods would destroy, they first make mad (deprive them of sanity). Will I lose my right mind soon? What is next? The first boy was sick again half an hour before midnight, and the second boy was sick twelve hours later. Lots of washing. The washing machine worked non-stop for many hours. Deg ger rag hedhyw Ten words for today an re ~ a' re those âwncyent ~ ancyent ancient compòster bres (m) sanity, right mind destria to destroy dhorans from them < dhort (SWFM dhiworth ) duwyow ...
Read more