Dedh Trei Hans ha Terdhek

De Meurth, nawhes mis Dû

Tuesday, 9th November

Gwav war an treth - gellys tre ew an bush brâs a düs gwelys genen en hav. Ma'n drigoryon ow taskemeres an treth rag aga hònan. Na vern thew an ayr gleb ha nag eus spladnder an howl. Da ew ganjans kerdhes reb an mor. My eth dhe'n vedhegva rag pig breghlin arta - ha nena my a gemeras kerdh wheg ewedh. Ma meur dhe vos gwelys. Ma whath  flourys war an speras. Whath ma'n lanterns pompyon reb an payl - saw mons ow qwedhra ha difygya. Ma neppeth aral ow tifygya - homm ew an velyn eskern coth. Bes ma derevyans predn ow lebmel emann e'n nessa kew. (Nag eus hordhes ena lebmyn.) Ha ma whel ow mos rag war an vorr dhiwrosa.

Winter on the beach - gone home is the crowd of people we see in summer. The inhabitants are getting the beach back for themselves. Never mind that the air is damp and there is no sunshine. They like walking by the sea. I went to the doctor's surgery for an injection again - and then I took a nice walk too. There's a lot to be seen. There are still flowers on the brambles. The pumpkin lanterns are still by the wooden fence - but they are shrivelling and collapsing. Something else is collapsing - that is the old bone mill. But a new wooden building is springing up in the next paddock. (There are no rams there now.) And work is going ahead on the cycle path.

Deg ger rag hedhyw Ten words for today

daskemeres to get back, recover

difygya to collapse, fail

gellys ~ gyllys gone

gwedhra to shrivel

mos tre to go home

na vern ~ ny vern it doesn't matter, never mind

payl (m) wooden fence

pig breghlin (m) injection

speras ~ spedhas brambles < sperasen ~ spedhasen (f)

spladnder an howl (m) sunshine

trigoryon inhabitants < triger (m)