2022 Dedh Trei

 De Lün, tryja mis Genver

Monday, 3rd January



Eus taclow môy a ell fyllel? Ma othom dhen a blobmer arta. Ma dhen diw gowas, hag anjei a gerdhas war gabm e'n keth nos. An eyl a gollas dowr en telher cabm, hag y gila a cessyas heb resek et tien. Eus toll en piben po ew piben digelmys der neb vorr?  A wrüg tedhen whetha? Agan mergh wydn a gachas tren en mettin a-varr rag mos dhe universita, bes wòja li otta hei arta. Y vab bian a whejas diweth (po moy) ha res veu dhodhans skydnya ha dos tre.  

 












Are there more things that can go wrong? We need a plumber again. We have two showers, and they malfunctioned on the same night. One leaked in a wrong place, and the other stopped running completely. Is there a hole in a small pipe or is a pipe somehow disconnected? Did a fuse blow? Our granddaughter caught a train early in the morning to go to university, but after lunch here she is again. Her little boy was sick twice (or more) and they had to get off and come back.

Deg ger rag hedhyw Ten words for today

cessya heb to cease, leave off, stop

cowas (f) shower

der neb vorr ~ fordh somehow, in some way

digelmys unfastened, disconnected

diweth (SWFM diwweyth) twice, two times

et tien completely

fyllel to fail, go wrong

kelly dowr to leak, lose water

kerdhes war gabm to malfunction, go wrong

piben (f) small pipe

resek to run, flow

tedhen ~ teudhen (f) fuse


Comments

Post a Comment

Popular posts from this blog

2022 Dedh Pajar

Image
De Meurth, pajwora mis Genver Tuesday, 4th January   Nag eus finweth dhe dhrog chons, car dre hevel. O vy moredhek? Ma meschonsyow ow tos en bagasow tredden, bes e veu dhebm moy es trei droglam solabres. Pandr'ew an caletter hedhyw? Agan mergh ew clav ha na ell hei cuntel hy flehes. Res ew dhebm aga didhana. Nei a warias an creger liesgweyth, ha chess ha cartednow. Pandr'ew da gen flehes clav dhe dhebry? Martesen nebes grappys. Saw na veu hedna tybyans pur dha.  Üdnek ar glogh, an maw bian a whejas arta. Ma hedna ow menya moy liednow ha dilhas rag an jynn-gòlhy avorow. There is no limit to bad luck, so it seems. Am I pessimistic? Mishaps come in threes, but I have had more than three disasters already. What is the problem today? Our daughter is ill and she can't collect her children. I must entertain them. We played hangman many times, and chess and cards. What do sick children like to eat? Perhaps a few grapes. But that was not a very good idea. Eleven o'clock, the lit...
Read more

At Home With Cornish

Don't forget, you can do some revision with the new blog I am doing for youngsters: At Home With Cornish https://kernowekenchei.blogspot.com/ And if you want something longer to read, try Te ha Tesednow by Neil Kennedy. https://nebesgeryow.blogspot.com/ And if you want to listen to well-spoken Cornish, try Daniel Prohaska's audio course https://kernowekbew.com/
Read more

2022 Dedh Pemp

De Merher, pempes mis Genver Wednesday, 5th January   Ma lavar coth en trajedy Grek âwncyent. A' re an dhuyow a venja destria, e'n dallath anjei a's kemeres compòster bres dhorans. A wra vy kelly an compòster bres vy en scon? Pandr'ew nessa? An kensa maw a whejas arta hanter our ken hanter nos, ha'n nessa maw a whejas dewdhek our moy diwedhes. Meur a wòlhy. An jynn-gòlhy a lavüryas heb hedhy lies our. There's a proverb in ancient Greek tragedy. Those whom the gods would destroy, they first make mad (deprive them of sanity). Will I lose my right mind soon? What is next? The first boy was sick again half an hour before midnight, and the second boy was sick twelve hours later. Lots of washing. The washing machine worked non-stop for many hours. Deg ger rag hedhyw Ten words for today an re ~ a' re those âwncyent ~ ancyent ancient compòster bres (m) sanity, right mind destria to destroy dhorans from them < dhort (SWFM dhiworth ) duwyow ...
Read more