Late Cornish 2021

De Sadorn, pajwora warn ügens mis Gorefen Saturday, 24th July Ma dew flogh wydn moy (naw bloodh ha seyth bloodh) e'n chei lebmyn, ha na vedn anjei mos dhe'n gwily! Thera vy et ow chombour ha my ell aga clowes clappya et aga chombour. Nebes grevos ens! Na ellen nei egery agan beistry lebmyn, drefen bos mûsek e'n ayr - mûsek ûhel ha grevos, dhort an tavern war an treth. Nei ell clowes an polj tabours ha bâss ow polja. Ma son ow travalya et ta en nosow pecar'a holma. Gwell ew genam clowes son todnow. Eus carnival rag gòlya "frankedh".  De Lün an flehes a wra campya gans aga mabm. Nena res vedh dhodhans còsca en tent. Ma dhodhans tylda brâs, thera vy pedery, nebes romys (pecar'a hebma, martesen). Aga hei bian a wra gortos gena nei: na ell ev campya! A vedh a cathes grevys? A wra an kei ladra boos an cathes?     There are two extra grandchildren (9 years old and 7 years old) in the house now, and they won't go to bed! I am in my bedroom and I can hear them ...

De Gwener, tryja warn ügens mis Gorefen Friday, 23rd July Lowen o vy hedhyw. Nag ew an gewer re dòbm. My a dhifünas ha thera cloudys e'n ebòrn. Goyeyn hag er ew an awel glor. Refreshys oma. My ell kerdhes a-ves dhe'n chei heb teudha. Nei a gerdhas bys e'n gwelyow a-warra. An gwens clor a'n mor a whethas agan blew ha yeynhe agan crohen.  Omglowans wheg o va. An barlys ew hir, bes thewa whath glas lowr. An gwens a wras todnow glas e'n barlys - ha thera gwel a'n oon las (an mor) e'n pelder. Ha leun ew an ayr ha'n plansow a edhyn ha prevyon. I am happy today. The weather is not too hot. I woke up and there were clouds in the sky. The breeze is cool and fresh. I am refreshed. I can walk outside of the house without melting. We walked all the way to the upper fields. The sea breeze blew our hair and cooled our skin. It was a lovely sensation. The barley is tall, but it is still quite green. The wind made green waves in the barley - and there was a view of the ...

De Yow, nessa warn ügens mis Gorefen Thursday, 22nd July My a viras orth Webinar Mirthy pur dha. Ma lies gwers veythrin e'n tavas Sowsnek. Herwedh ûsadow, nei a's clowas dhort ganow agan dama po dama wydn. Bes devedhys ew lies anodhans dhort qwillednow tüs en termynyow pell tremenys. Mons ow tegy messach cüdhys dhort story. Diantel o cably agas hembrenkyjy. Whei alja bos towlys dhe breson po dibednys. Kernôwyon Thomas Flamank ha Michael Joseph An Gof a veu execûtys en crowelder en 1497 gen Henry VII ha'n âwtorites en Pow an Sowson rag ledya rebellyans. Lies moy a verwas ewedh. Thera sorr brâs warbedn an Tudors dres lies bledhen. Henry VIII, Maria, Elizabeth - anjei a settyas Protestans bedn Catholygyon. Kevys ew anjei (ha 'ga victims) tòllwiskys en gwersyow meythrin. Teyr logojen dhall? Trei arhesbak. Gwreg an tiek? Maria (demedhys dhe Phillip Spaynek). Clegh arhans, cregyn killik ha metydhyon teg? Instrumentys tormentya (Maria arta!). I watched a very good Mirthy Webin...

De Merher, kensa warn ügens mis Gorefen Wednesday, 21st July Tremenys ew an jedh ha nag eus tra veth et ow fedn! Pandr' ellama scrifa? An jynn-gòlhy a wrüg kerdhes war gabm. Na veu dhebm ewl boos veth. Ow mergh wydn a gemeras hy maw bian dhe'n clojy. Y lysten galish a veu removys ragto. Sawys ew y vregh. Wòja hedna, anjei eth dhe'n treth ha my a wòrtas tre. Re dòbm o an gewer raga vy. My a wrüg maga an cathes et y le. Ow gour ha my a jânyas nebes daffar chei. Pur vlewek o oll an câs. An gwelha tra a veu ow descans Kernôwek war Zoom gen trei theylû. Nei a waryas gwary cov: "My eth dhe varhas ha perna …" E veu dhe'n flehes nebes profyansow wharthüs. E veu whans dhodhans a wòra olifans, ors gwydn, payon hag "ebronrather" (tour ûhel) en kert pernasow! The day has passed and there is nothing in my head! What can I write? The washing machine malfunctioned. I had no appetite. My granddaughter took her little boy to the hospital. He had his plaster cast remo...

De Meurth, ügensves mis Gorefen Tuesday, 20th July Skith o vy! Rag hedna, na vedh an blogg ma pur hir. Ma benefyttys ha lettys dhe hav. Ma croffolyow dhen mars eus re a law ha mars eus re a howl. Da ew gans ow mergh wydn cawas liw a'n howl bes na dal flehes vian cawas towl a'n howl. Ma scovarn gen losk howl dhe'n gath goth. Da ew genjy omhowla! Nag eus nevra camera genam termyn ma othom anodho. My a welas anav bewek - bes gellys ew ev en üskis - nag ewa "syger", tabm veth. Sharaglyga heb garrow ew ev.  E veu gwenenen vlewek pur syger war an dor - dadn droos an maw bian. Pigys veu va. I'm tired! Therefore, this blog will not be very long. Summer has benefits and disadvantages. We have complaints if there is too much rain and if there is too much sun. My granddaughter likes to get a suntan, but little children shouldn't get sunstroke. The old cat has an ear with sunburn. She likes to sunbathe! I never have a camera with me when I need it. I saw a lively slow...

De Lün, nawnjegves mis Gorefen Monday, 19th July Towlow ow mergh wydn ha'y howethes o diswres hedhyw vettin. E veu whans dhodhans a vos dhe'n treth rag neyja ha marhoga war vord corf. Bes, thera aga meppigow ow pâsa an dhew (saw nag ens trigys e'n keth chei). Na alja an dhew veppik mos dh'aga scol veythrin. Ha na alja an maw, trogh y vregh, mos en mor (drefen y lysten galish). Rag hedna, e veu towl nowydh. An gowethes a dhros poll lagya ha'n vebyon alja lagya ha gwary et ow lowarth. Maylys o an lysten galish en sagh plastek! Na alja an mabmow neyja po marhoga war vord corf, bes anjei alja bos gleb po omhowla, ha debry croust. Moy diwedhes thera whath nerth dhe üdn meppik - etho ev a weras dhe Hendas e'n lowarth.     The plans of my granddaughter and her friend were wrecked this morning. They wanted to go to the beach for swimming and body-boarding. But, their little boys were both coughing (though they are not living in the same house). The two little boys could...

De Sül, ethdegves mis Gorefen Sunday, 18th July Ma gwersyow e'n Beybel Sans, e'n kensa chaptra Jenesys: "Ha Duw a leverys, 'Bedhens golow,' hag y feu (e veu) golow. Ha Duw a welas an golow, fatel o va dâ." En gwrionedh, golow ew euthyk tra. Na alja nei bewa heb golow. Ma plansow ow tevy war tûa golow (golowdreyluster), drefen bos odhom anodho rag gwil boos. Ma protist (üdn gillik) microscopek leb ell neyja war tûa golow. Ma dhodho stigma rüdh - merk lagas - sensor golow. Golow ew nerth. Ev ell chânjya nebes maters kemegyl - aga thewlhe (holan arhans, rag sampel). Hebma veu an men leur an kensa fotograffyeth. Heb camera, Man Ray a wras ymajys gen nebes taclow war an paper parys. En rom tewlhys ev a spladnas golow rag cott termyn. Otta "Rayograff" - ma va ow tisqwedhes pe le ma'n skeusednow - skeusen-graff. Skeusednow an downa ow tisqwedhes gwydn pur - ymach negethek ew ev. Whei ell ajon taclow dres aga shapys. Ma dhe radn anodhans linen adro lebm....